懷念我的媽媽
| 一、六月初九那一天，媽媽離開靜靜去，攏無相辭留言詞，兒子思念您，想到媽媽我心傷悲，母子親情心連心，只有媽媽尚介親，媽媽生育晟子大，千辛萬苦受拖磨。 二、民國四十年左右彼當時，欠食欠穿的年閣，我是小小的年紀，阮厝住在澎湖鐵線里，澎湖海島夏天日頭炎，冬天暝時霜氣寒無比，半暝媽媽夾子保溫睏，免兒風寒冷歸暝，媽媽顧子最偉大。 三、我在細漢時，阮厝是莊腳農渙的村里，看見媽媽日時做工去園內，晚時照顧厝內大小的代誌，年年辛苦無了時，媽媽最偉大，也無半句怨言講出來。 四、我在細漢時，遇到生日媽媽煮一粒蛋給兒子，子兒歡喜是無比，媽媽疼子是天性，付出真愛疼子兒，媽媽偉大無得比。 五、我在細漢時，看見媽媽不時受人欺，我做子心中痛苦是無得比，決定大漢出外去賺錢，替父母爭一口氣，有錢自然給人看得起，可惜不如意，只有平平過日子。 六、媽媽我對不起您，攏無給您有享受的日子，媽媽少年中年受拖磨，老年身體欠安百病纏病體，纏身是無了時，天天叫苦醫生看，子兒媳婦嘛是無陪伴，是傷天害理，人人攏有吃老的日子。 七、媽媽往生陰陽是相隔離，母子相見是夢中境，媽媽在生時子兒虧欠您，恩情如山是難還起，子兒在生會好好做，希望行善成績回報您。世間有人恩情不還又不孝，以後換恁子有樣看樣對待您。 八、世間父子、母子、夫妻是相欠債，兄弟姊妹有緣是同一家，做人細漢受父母晟，大漢應該報答父母恩，嘸通不孝傷良心，我的媽媽一生最辛苦，想到媽媽我心傷悲，後世那是有緣，我會來好好孝順您，我會來好好孝順您！ |